2025 թվականի ապրիլի 30-ին Ալագյազի համայնքապետարանի նիստերի դահլիճում համայնքի ղեկավար Ջասմ Մախմուդովի գլխավորությամբ անցկացվեց ամենամսյա աշխատանքային խորհրդակցություն, որին մասնակցում էին աշխատակազմը, բնակավայրերի վարչական ղեկավարները և օպերատորները:
Օրակարգային հարցերն էին՝
1. Հարկերի և տուրքերի ժամանակին վճարելու վերաբերյալ հարցը,
2. «Բուսաբուծության պետական աջակցության ծրագրի» շրջանակներում դիմումների վերաբերյալ հարցը,
3. Մայիսի 3-ին կայանալիք համապետական շաբաթօրյակի կազմակերպման վերաբերյալ հարցը:
Խորհրդակցության ընթացքը՝
Համայնքի ղեկավար Ջասմ Մախմուդովը շնորհակալություն հայտնեց ներկաներին մասնակցության համար, ապա հորդորեց բոլոր վարչական ղեկավարներին աչալուրջ լինել՝ տեղական հարկերի և տուրքերի հավաքագրման, վարձակալական հողատարածքների վարձավճարների հավաքագրման և անշարժ գույքի և գույքահարկի հավաքագրման աշխատանքներին:
Համայնքի ղեկավարի տեղակալ Արթուր Գրիգորյանը հանձնարարեց աշխատակազմին առավել ուշադիր լինել «Բուսաբուծության պետական աջակցության ծրագրի» շրջանակներում դիմումների ընդունման գործընթացին՝ հետագա խնդիրներից խուսափելու համար:
Աշխատակազմի քարտուղար Արամ Խուդոյանը հորդորեց բոլորին ներկալ գտնվելու համապետական շաբաթօրյակին և համայնքի բնակչությանը նույնպես ներգրավել այդ գործում:
Խորհրդակցության ընթացքում հնչեցին մի շարք այլ հարցեր, որոնց տրվեցին հստակ պատասխաններ:
Համայնքի ղեկավարի կողմից տրվեց համապատասխան հանձնարարականներ: |