|
08.03.23
ԱԼԱԳՅԱԶ ՀԱՄԱՅՆՔԻ ՂԵԿԱՎԱՐ ՋԱՍՄ ՄԱԽՄՈՒԴՈՎԻ ՇՆՈՐՀԱՎՈՐԱԿԱՆ ՈՒՂԵՐՁԸ ԿԱՆԱՆՑ ՄԻՋԱԶԳԱՅԻՆ ՏՈՆԻ ԿԱՊԱԿՑՈՒԹՅԱՄԲ
|
|
Սիրելի կանա՛յք, մայրե՛ր և քույրե՛ր Սրտանց շնորհավորում եմ ձեզ գարունն ավետող այս գեղեցիկ տոնի կապակցությամբ։ Բոլոր ժամանակներում դուք եղել եք ընտանեկան օջախի պահապանը, մատաղ սերնդի դաստիարակողն ու ազգային ավանդույթների կրողը: Ձեր անսահման նվիրվածությամբ, սիրով և համբերատարությամբ դուք գեղեցկացնում եք մեր կյանքն ու մեզ մղում նոր նախաձեռնությունների: Գարնանային այս հիասքանչ տոնը առիթ է արտահայտելու այն խորը ակնածանքի, սիրո և երախտագիտության զգացումը, որը մենք տածում ենք ձեր հանդեպ: Ի սրտե ցանկանում եմ, որ դուք մշտապես շրջապատված լինեք ջերմությամբ և հոգատարությամբ: Եղե՛ք առողջ և երջանիկ, և թո՛ղ ձեր ընտանիքներում թևածի միայն սերն ու համերաշխությունը:
|
|
|
06.03.23
ՄԵԿՆԱՐԿԵԼ Է ԳՅՈՒՂԱՏՆՏԵՍՈՒԹՅԱՆ ՈԼՈՐՏՈՒՄ ԱՊԱՀՈՎԱԳՐՈՒԹՅԱՆ ՊԱՅՄԱՆԱԳՐԵՐԻ ԿՆՔՄԱՆ ԳՈՐԾԸՆԹԱՑԸ
|
Իրազեկում Ալագյազ համայնքի սիրելի բնակիչներ, տեղեկացնում ենք, որ Գյուղատնտեսության ոլորտում ապահովագրական համակարգի ներդրման պետական աջակցության ծրագրի շրջանակում 2023 թվականի գյուղատնտեսական տարվա համար մեկնարկել է ապահովագրության պայմանագրերի կնքման գործընթացը: Հացահատիկային մշակաբույսերի (ցորեն,գարի,վարսակ) պայմանգրերի կնքման վերջնաժամկետը մինչև մայիսի 20-ը է: Ծրագրի պայմաններին ավելի մանրամասն կարող եք ծանոթանալ էկոնոմիկային նախարարության (www.mineconomy.am) կայքից: Հորդորում ենք ազգաբնակչությանը կարկտահարության ռիսկերից խուսափելու համար ապահովագրել հացահատիկային մշակաբույսերը:
|
|
|
21.02.23
ՏԵՂԻ ՈՒՆԵՑԱՎ ԱԼԱԳՅԱԶ ՀԱՄԱՅՆՔԻ ԱՎԱԳԱՆՈՒ ԱՐՏԱՀԵՐԹ ՆԻՍՏԸ
|
|
2023 թվականի փետրվարի 21-ին Ալագյազի համայնքապետարանի նիստերի դահլիճում տեղի ունեցավ ավագանու արտահերթ նիստը, որը վարում էր համայնքի ղեկավար Ջասմ Մախմուդովը: Ներկա էր ավագանու վեց անդամ: Ի թիվս օրակարգում ընդգրկված հարցերի՝ Ալագյազ համայնքի ավագանու հաստատմանը ներկայացվեց 2022 թվականի բյուջեի չորրորդ եռամսյակի կատարման ընթացքի մասին հաղորդումը հաստատելու, Ալագյազ համայնքի 2023 թվականի սուբվենցիոն ծրագրերի նախագծանախահաշվային փաստաթղթերը հաստատելու և այլ օրակարգային հարցեր: Նիստի ավարտին Ալագյազ համայնքի ղեկավար Ջասմ Մախմուդովը շնորհակալություն հայտնեց համայնքի բոլոր բնակիչներին՝ իրենց հարկային գծով պարտավորությունները պատշաճ իրականացնելու համար։
|
|
|
28.01.23
ՇՆՈՐՀԱՎՈ’Ր ՏՈՆԴ, ՀԱՅՈՑ ԲԱՆԱԿ
|
|
Հունվարի 28-ը Հայոց բանակի կազմավորման օրն է: Մեր բանակը այսօր դառնում է 31 տարեկան: Այս օրը հավասարապես բոլորինն է՝ սահմանին կանգնած զինվորինը, ծնողինը, բանակի մասին շարադրություն գրող աշակերտինը, և այն հայ ու եզդի ժողովրդինը, ովքեր իրենց աղոթքներում Աստծուց խաղաղություն և առողջություն են խնդրում առաջին հերթին զինվորի համար։Ալագյազ համայնքի ղեկավար Ջասմ Մախմուդովը շնորհավորում է հերոսական մարտերում ծնված, հասակ առած ու զորացած Հայոց բանակի տարեդարձը՝ մաղթելով անխռով, խաղաղ և նորանոր հաղթանակներով պսակված գոյություն:Եվ հավատացած եղեք, որ ինչպես պատմության բոլոր փուլերում, այնպես էլ հիմա եզդի և հայ ժողովուրդը ձեռք-ձեռքի տված անելու է ամեն բան մեր երկրի շենացման և էլ ավելի մարտունակ ...
Մանրամասն |
|
|
12.01.23
ՏԵՂԻ ՈՒՆԵՑԱՎ ԱԼԱԳՅԱԶ ՀԱՄԱՅՆՔԻ ԱՎԱԳԱՆՈՒ 2023 ԹՎԱԿԱՆԻ ԱՌԱՋԻՆ ՆԻՍՏԸ
|
|
2023 թվականի հունվարի 12-ին Ալագյազի համայնքապետարանի նիստերի դահլիճում տեղի ունեցավ ավագանու հերթական նիստը, որը վարում էր համայնքի ղեկավար Ջասմ Մախմուդովը: Ներկա էր ավագանու հինգ անդամ: Ի թիվս օրակարգում ընդգրկված հարցերի՝ նիստի ընթացքում քննարկվեցին Ալագյազ համայնքի 2023 թվականի բյուջեն հաստատելու,աղբահանությունը կազմակերպելու և աղբահանության վճարների դրույքաչափերը սահմանելու, աշխատանքային պլանը /ՏԱՊ/ հաստատելու և այլ օրակարգային հարցեր:
|
|
| 1 2 3 4 5 6 7 8 9 10 ... |