Ղեկավարվելով Հայաստանի Հանրապետության Հողային օրենսգրքի 67-րդ հոդվածի, «Տեղական ինքնակառավարման մասին» ՀՀ օրենքի 18-րդ հոդվածի 1-ին մասի 21-րդ կետի, ՀՀ Հողային օրենսգրքի 68-րդ և 70-րդ հոդվածների դրույթներով, հիմք ընդունելով «Անշարժ գույքի հարկով հարկման նպատակով Անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» ՀՀ օրենքի, ՀՀ կառավարության 04.06.2020թ N 1023 որոշման պահանջները, անկախ գնահատող «ԻՆԵՔՍ» ՍՊԸ-ի կողմից տրված գնահատումը և Ալագյազ համայնքի ղեկավարի առաջարկությունը՝ Ալագյազ համայնքի ավագանին
ՈՐՈՇՈՒՄ Է 1.Թույլատրել համայնքի ղեկավարին` համայնքի սեփականություն համարվող Ալագյազ համայնքի Ճարճակիս վարչական բնակավայրի 5-րդ փողոց 13 հասցեում գտնվող 02-037-0001-0028 կադաստրային ծածկագրով 0.3029 հա արդյունաբերության, ընդերքօգտագործման և այլ արտադրական նպատակային նշանակության և գյուղատնտեսական արտադրական գործառնական նշանակության հողամասը և կիսակառույց շինություն ՝1484քմ , 1 լոտով, աճուրդ-վաճառքով օտարել:
2.Հաստատել հողամասերի մեկնարկային գինը՝ 666380 (վեց հարյուր վաթսունվեց հազար երեք հարյուր ութանասուն) ՀՀ դրամ, 1քմ 220 ՀՀ դրամ և կիսակառույց շինության մեկնարկային գինե 3290000 (երեք միլիոն երկու հարյուր իննսուն հազար) ՀՀ դրամ:
3.Համայնքի ղեկավարին` ապահովել աճուրդի հրապարակայնությունը, նախապատրաստել համապատասխան փաստաթղթեր աճուրդ-վաճառքը պատշաճորեն կազմակերպելու և անցկացնելու համար: |