2025 թվականի մարտի 27-ին Ալագյազի համայնքապետարանի նիստերի դահլիճում համայնքի ղեկավար Ջասմ Մախմուդովի գլխավորությամբ անցկացվեց հերթական աշխատանքային խորհրդակցությունը, որին մասնակցում էին բնակավայրերի վարչական ղեկավարները և օպերատորները:
Օրակարգային հարցերն էին՝
1. Հարկերի և տուրքերի ժամանակին վճարելու վերաբերյալ հարցը,
2. Ինքնակամ կառույցների հաշվառումը, օրինականացումը, ինչպես նաև առանց շին. թույլատվության շինարարական աշխատանքների կատարման բացառումը:
Խորհրդակցության ընթացքը՝
Համայնքի ղեկավար Ջասմ Մախմուդովը շնորհակալություն հայտնեց ներկաներին մասնակցության համար, ապա հորդորեց բոլոր վարչական ղեկավարներին աչալուրջ լինել՝ տեղական հարկերի և տուրքերի հավաքագրման, վարձակալական հողատարածքների վարձավճարների հավաքագրման և անշարժ գույքի և գույքահարկի հավաքագրման աշխատանքներին:
Աշխատակազմի քարտուղար Արամ Խուդոյանը ողջույնի խոսքով հանդես եկավ և հորդորեց ուշադրություն դարձնել ինքնակամ կառույցների հաշվառմանը, օրինականացմանը, ինչպես նաև բացառել առանց շին. թույլատվության շինարարական աշխատանքների կատարումը:
Խորհրդակցության ընթացքում հնչեցին մի շարք այլ հարցեր, որոնց տրվեցին հստակ պատասխաններ:
Համայնքի ղեկավարի կողմից տրվեց համապատասխան հանձնարարականներ: |