| Բովանդակություն * | 2025 թվականի մայիսի 27-ին Ալագյազի համայնքապետարանի նիստերի դահլիճում համայնքի ղեկավարի ժամանակավոր պաշտոնակատար Արթուր Գրիգորյանի գլխավորությամբ անցկացվեց հերթական աշխատանքային խորհրդակցություն, որին մասնակցում էին աշխատակազմը, բնակավայրերի վարչական ղեկավարները:
Օրակարգային հարցերն էին՝
1. Հարկերի և տուրքերի ժամանակին վճարելու վերաբերյալ հարցը,
2. «Բուսաբուծության պետական աջակցության ծրագրի» շրջանակներում դիմումների վերաբերյալ հարցը,
3.Ապարան քաղաքում կայանալիք մայիսի 28-ի տոնակատարությանը բարձր մակարդակով մասնակցության հարցը:
Խորհրդակցության ընթացքը՝
Համայնքի ղեկավարի ժամանակավոր պաշտոնակատար Արթուր Գրիգորյանը շնորհակալություն հայտնեց ներկաներին մասնակցության համար, ապա հորդորեց բոլոր վարչական ղեկավարներին աչալուրջ լինել՝ տեղական հարկերի և տուրքերի հավաքագրման, վարձակալական հողատարածքների վարձավճարների հավաքագրման և անշարժ գույքի և գույքահարկի հավաքագրման աշխատանքներին:
Ինչպես նաև հանձնարարեց աշխատակազմին առավել ուշադիր լինել «Բուսաբուծության պետական աջակցության ծրագրի» շրջանակներում դիմումների ընդունման գործընթացին՝ հետագա խնդիրներից խուսափելու համար:
Քննարկվեց 2025 թվականի մայիսի 28-ին Ապարան քաղաքում կայանալիք տոնակատարությանը բարձր մակարդակով մասնակցության հարցը: Պատասխանատու անձանց և աշխատակազմին տրվեց համապատասխան հանձնարարականներ:
|