3.Նպատակների սահմանում և գործողությունների պլանավորում

3.1.Համայնքի զարգացման տեսլական Համայնքի տեսլականն է՝ Համայնքը դարձնել գյուղատնտեսական մթերքների արտադրության և վերամշակման համայնքային կենտրոն, բարեկարգ ու մաքուր, բնակչության համար բավարար կենսապայմաններ ունեցող և զբոսաշրջության համար գրավիչ բնակավայր: Համայնքի սահմանված տեսլականին հասնելու համար համայնքի ռազմավարությունն է՝

• համայնքում անասնապահության զարգացում և անասնապահական մթերքների արտադրության ծավալների աստիճանական մեծացում՝ անասնագլխաքանակի տարեցտարի ավելացման և անհրաժեշտ քանակությամբ անասնակերի ապահովման միջոցով,

• համայնքում կաթի, մսի հանձնման և վերամշակման արտադրամասի ստեղծում և գործարկում,

• տնային պայմաններում բնական հյութերի արտադրության կազմակերպում և աստիճանական զարգացում,

• համայնքի սեփականություն համարվող ենթակառուցվածքների պահպանում, շահագործում, նորոգում և զարգացում,

• ներհամայնքային ճանապարհների և փողոցների նորոգում և բարեկարգում, արտաքին լուսավորության համակարգի անցկացում, ճանապարհային նշանների տեղադրում,

• համայնքի բնակչության սոցիալ – տնտեսական պայմանների բարելավում՝ նրանց մատուցվող հանրային ծառայությունների (ջրամատակարարում և ջրահեռացում, աղբահանություն և սանիտարական մաքրում, տրանսպորտ և կապ, նախադպրոցական և դպրոցական հանրակրթություն, մշակույթ և սպորտ, սոցիալական պաշտպանություն և այլն) շրջանակի աստիճանական ընդլայնման և որակի անշեղ բարձրացման միջոցով,

• տեղական ինքնակառավարմանը բնակիչների մասնակցության բարելավում մասնակցության ձևերի զարգացման միջոցով,

• համայնքում էկոտուրիզմի ենթակառուցվածքների ստեղծում և զարգացում՝ զբոսաշրջիկների գիշերակացի տնային պայմանների ապահովման, հասարակական սննդի, առևտրի և սպասարկման օբյեկտների ստեղծման, համապատասխան ծառայությունների պատշաճ մակարդակով մատուցման միջոցով: Համայնքի զարգացման 2018-2022թթ. հնգամյա ծրագրի հիմնական նպատակներն են՝

• տեղական ինքնակառավարմանը բնակիչների մասնակցության ակտիվացում և բարելավում՝ համայնքի ենթակառուցվածքների ընդլայնման և զարգացման միջոցով,

• ներհամայնքային ճանապարհների և փողոցների վիճակի բարելավում և լուսավորում,

• համայնքում գյուղատնտեսության (հողագործության, անասնապահության, այգեգործության) զարգացում ՝ տնամերձերի, վարելահողերի, խոտհարքների և արոտավայրերի նպատակային և արդյունավետ օգտագործման միջոցով,

• համայնքի բնակչության կենցաղային պայմանների բարելավում՝ առանձնատների խմելու և տնտեսական ջրի ջրամատակարարման ներհամայնքային համակարգերի նորոգման և ընդլայնման, աղբահանության ծառայության կազմակերպման ճանապարհով,

• համայնքի բյուջեի եկամուտների ավելացման համար նախատեսվում է կազմակերպել համայնքային գույքի վարձակալությամբ տրամադրելու աշխատանքներ,մասնավորապես համայնքի հողերը վարձակալությամբ տրամադրել:Համայնքի սեփականություն հանդիսացող հողամասերի և շինությունների օտարում՝հասարակական և արտադրական կառույցների ինչպես նաև առևտրի կետերի կառուցման համար:

• Համայնքի բնակավայրի կառուցապատման, բարեկարգման և կանաչապատման մասով նախատեսվում է կանաչապատ տարածքների ավելացում,ծառատունկ և փողոցների մաքրման աշխատանքներ: