Հարգելինե՛րս,

Ուրախ եմ ողջունելու Ձեզ Ալագյազ համայնքի պաշտոնական էջ այցելելու համար: Այստեղ դուք կգտնեք տեղեկատվություն Ալագյազ համայնքի գործունեության, կառուցվածքի, համայնքի զարգացման ծրագրերի, մատուցվող ծառայությունների, համայնքի ղեկավարի և ավագանու որոշումների վերաբերյալ:

Հուսով եմ, որ մեր էջում կգտնեք ձեզ հուզող հարցերի պատասխաններն ու անհրաժեշտ տեղեկատվությունը:

Համայնքի ղեկավար՝ Ջասմ Մախմուդով

Ալագյազի համայնքապետարանը չխախտելով գեղեցիկ ավանդույթը սեպտեմբերի 1-ին և 2-ին առաջին դասարան հաճախող երեխաներին բաժանեց դպրոցական պայուսակներ և գրենական պիտույքներ:

Ալագյազի համայնքապետարանի նիստերի դահլիճում 2024 թվականի հուլիսի 23-ին կայացավ համայնքի ավագանու հերթական նիստը, որը վարում էր համայնքի ղեկավար Ջասմ Մախմուդովը: Ներկա էին ավագանու հինգ անդամ:

Ավագանու անդամների հաստատմանը ներկայացվեց՝

1.Ալագյազ համայնքի Ջամշլու վարչական բնակավայրում  գտնվող համայնքային սեփականություն հանդիսացող հողամասի նպատակային նշանակության փոփոխման հարցը, 

2.2024 թվականի բյուջեի երկրորդ եռամսյակի հաստատումը, 

3. Ճարճակիս բնակավայրում մոդուլային կրթահամալիր կառուցելու համար կառուցապատող կազմակերպության հետ նախնական համաձայնություն ձեռք բերելու հարցը:

ՀՀ կառավարության կողմից հաստատված «Բուսաբուծության պետական աջակցության ծրագրի» շրջանակներում համայնքային հանձնաժողովը ավարտին է հասցրել մոնիթորինգը Ալագյազ համայնքում։