|
15.01.25
Բարի գալուստ Ալագյազի համայնքապետարանի պաշտոնական էջ
|
|
Հարգելինե՛րս, Ուրախ եմ ողջունելու Ձեզ Ալագյազ համայնքի պաշտոնական էջ այցելելու համար: Այստեղ դուք կգտնեք տեղեկատվություն Ալագյազ համայնքի գործունեության, կառուցվածքի, համայնքի զարգացման ծրագրերի, մատուցվող ծառայությունների, համայնքի ղեկավարի և ավագանու որոշումների վերաբերյալ: Հուսով եմ, որ մեր էջում կգտնեք ձեզ հուզող հարցերի պատասխաններն ու անհրաժեշտ տեղեկատվությունը: Համայնքի ղեկավար՝ Ջասմ Մախմուդով
|
|
|
06.01.25
Ալագյազ համայնքը մասնակցեց Արուճ բնակավայրում Սուրբ Ծնունդին նվիրված «Հոգևոր երաժշտության փառատոնին»
|
Վարչապետ Նիկոլ Փաշինյանը, տիկնոջ՝ Աննա Հակոբյանի, ՀՀ Արագածոտնի մարզպետ Սերգեյ Մովսիսյանի և այլ պաշտոնատար անձանց հետ Աշտարակ համայնքի Արուճ բնակավայրում ներկա գտնվեց Սուրբ Ծնունդին նվիրված «Հոգևոր երաժշտության փառատոնին»։ Եկեղեցու հարակից տարածքում համայնքները ներկայացնող տաղավարները հանդես եկան իրենց տարածաշրջանին բնորոշ ուտեստների, թեյի ու գինու հյուրասիրությամբ, որում անմասն չմնաց #Ալագյազ համայնքը: |
|
|
31.12.24
Ալագյազ համայնքի ղեկավար Ջասմ Մախմուդովի շնորհավորական խոսքը Ամանորի և Սուրբ Ծննդյան տոների կապակցությամբ
|
|
Սիրելի հայրենակիցներ,Սրտանց շնորհավորում եմ ձեզ Ամանորի ու Սուրբ Ծննդյան տոների կապակցությամբ: Հիրավի Ամանորն ու Սուրբ Ծնունդը առանձնահատուկ խորհուրդ ունեն: Այդ խորհուրդը պայմանավորված է լուսավոր ապագայի հույսով ու հավատով, հավատարմության ու ներողամտության գիտակցումով, ընտանիքի ու հայրենիքի հանդեպ ունեցած սիրով և պատասխանատվությամբ:Անցնող տարվա ընթացքում հետևողական աշխատանքի արդյունքում մենք կարողացանք առաջընթաց արձանագրել Ալագյազ համայնքի զարգացման ոլորտում՝ իրականացնելով բազմաթիվ ծրագրեր։ Ուզում եմ հավաստիացնել, որ մեր համայնքում իրականացվող ծրագրերը ոչ միայն շարունակություն են ունենալու, այլև կյանքի են կոչվելու նորերը: Վստահ եմ, որ 2025 թվականը կլինի նորանոր նվաճումների տարի:Մեկ անգամ ևս սրտանց ...
Մանրամասն |
|
|
26.11.24
Աշխատանքային խորհրդակցություն
|
|
2024 թվականի նոյեմբերի 26-ին Ալագյազի համայնքապետարանի նիստերի դահլիճում համայնքի ղեկավար Ջասմ Մախմուդովի գլխավորությամբ անցկացվեց հերթական աշխատանքային խորհրդակցություն, որին մասնակցում էին աշխատակազմը, բնակավայրերի վարչական ղեկավարները և օպերատորները: Մինչ հարցերին անդրադառնալը համայնքի ղեկավարը ներկայացրեց աշխատակազմի նորընտիր քարտուղար Արամ Խուդոյանին, ցանկանալով նրան բեղումնավոր և արդյունավետ աշխատանք: Քննարկվող հարցերն էին՝ 1. Սեփական եկամուտների հավաքագրման ընթացքը, 2. Ինքնակամ կառույցների հաշվառումը, օրինականացումը, ինչպես նաև առանց շին. թույլատվության շինարարական աշխատանքների կատարման բացառումը և այլ օրակարգային հարցեր: Համայնքի ղեկավարի կողմից տրվեց համապատասխան հանձնարարականներ:
|
|
|
22.11.24
Ալագյազ համայնքի ավագանու նիստ
|
|
Ալագյազի համայնքապետարանի նիստերի դահլիճում 2024 թվականի նոյեմբերի 22-ին կայացավ համայնքի ավագանու հերթական նիստը, որը վարում էր համայնքի ղեկավար Ջասմ Մախմուդովը: Ներկա էին ավագանու հինգ անդամ: Ավագանու անդամների հաստատմանը ներկայացվեց՝ Ճարճակիս բնակավայրի գերեզմանատների ցանկապատման, Միրաք և Ռյա Թազա բնակավայրերի խմելու ջրի ջրագծի վերանրոգման և Ալագյազ, Ճարճակիս, Միրաք, Ջամշլու, Կանիաշիր և Ավշեն վարչական բնակավայրերի փողոցների լուսավորության ցանցի ընդլայնման աշխատանքների համար գումար հատկացնելու մասին հարցը, ինչպես նաև Ալագյազ համայնքում ամանորյա միջոցառումների և համայնքի զարդարման համար գումար հատկացնելու մասին հարցը:
Նիստի հղումը՝ https://www.youtube.com/watch?v=NUeTqTzWcKs
|
|
|
21.11.24
Բարեկարգման աշխատանքներ
|
|
Ալագյազ համայնքում իրականացվում է գիշերային լուսավորության ցանցի վերանորոգման աշխատանքներ:
|
|
| 1 2 3 4 5 6 7 8 9 10 ... |