Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 6-րդ կետով, հիմք ընդունելով Ալագյազ համայնքի ավագանու 25 հունիսի 2020թ. «Ալագյազի համայնքի սուբվենցիոն հայտերի նախագծանախահաշվային փաստաթղթերը հաստատելու մասին» թիվ N32 որոշումը և ՀՀ կառավարության 03 դեկտեմբերի 2020թ. N 1981-Ն որոշումը, ինչպես նաև Ալագյազ համայնքի ղեկավարի և «Ադիբեկ» ՍՊԸ-ի միջև 08 սեպտեմբերի 2020 թվականին կնքված N ՀՀ-ԱՄ-ԱԼՀ-ԲՄԱՇՁԲ-20/01 պայմանագիրը, ինչպես նաև հաշվի առնելով Արագածոտնի մարզպետարանին ուղղված 2020թվականի դեկտեմբերի 10-ի N335 գրությունը՝ Ալագյազ համայնքի ավագանին

ՈՐՈՇՈՒՄ Է

1.Թույլատրել համայնքի ղեկավարին ՀՀ կառավարության կողմից հատկացված սուբվենցիոն գումարը (Ալագյազ համայնքի Ճարճակիս Ռյա Թազա և Կանիաշիր վարչական բնակավայրերի ներհամայնքային ճանապարհների ասֆալտապատում) Ալագյազ համայնքի 2020 թվականի բյուջեի «Սուբվենցիաներ» ծրագրի 5112 (շենք շինությունների կառուցում) հոդվածից 111403610 (մեկ հարյուր տասնմեկ միլիոն չորս հարյուր երեք հազար վեց հարյուր տասը) ՀՀ դրամ փոխանցել «Ադիբեկ» ՍՊԸ-ին՝ Ալագյազ համայնքի Ճարճակիս, Ռյա Թազա և Կանիաշիր վարչական բնակավայրերի ներհամայնքային ճանապարհների ասֆալտապատման աշխատանքների համար, որպես կառավարության կողմից տրված սուբվենցիոն գումարի մասնաբաժինը:
2.Արագածոտնի մարզպետարանին ուղղված 10.12.2020թ. թիվ 335 գրության բացասական պատասխանի դեպքում թույլատրել Ալագյազ համայնքի ղեկավարին Ալագյազ համայնքի 2020 թվականի բյուջեի «Սուբվենցիաներ» ծրագրի 5112 (շենք շինությունների կառուցում) հոդվածից 796390 (յոթ հարյուր իննսունվեց հազար երեք հարյուր իննսուն) ՀՀ դրամ փոխանցել «Ադիբեկ» ՍՊԸ-ին՝ Ալագյազ համայնքի Ճարճակիս, Ռյա Թազա և Կանիաշիր վարչական բնակավայրերի ներհամայնքային ճանապարհների ասֆալտապատման աշխատանքների համար, որպես կառավարության կողմից տրված սուբվենցիոն գումարի մասնաբաժնի տարբերությունը: