Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին մասի 24-րդ կետով, Հայաստանի Հանրապետության կառավարության 2006 թվականի մայիսի 18–ի թիվ 912-Ն որոշման 3-րդ կետով և նշյալ որոշմամբ հաստատված կարգի 17-րդ կետով, հիմք ընդունելով կառույցը ՀՀ քաղաքացիական օրենսգրքի 188-րդ հոդվածի 5-րդ մասով սահմանված օրինականացման պայմաններին համապատասխանելու վերաբերյալ համայնքապետարանի աշխատակիցներ Ա. Գրիգորյանի և Պ. Մխիթարյանի բանավոր եզրակացությունները, Ալագյազ համայնքի Ռյա Թազա վարչական բնակավայրի ղեկավար Իշխան Բրոյանի գրությունը, ՀՀ Քաղաքաշինության, տեխնիկական և հրդեհային անվտանգության տեսչական մարմնի ղեկավարի տեղակալ Արազ Պապիկյանի 2021թվականի ապրիլի 30-ի N ՔՏՄ/09․2․4/4866-21 գրությունը, հաշվի առնելով ինքնակամ կառույցների արտաքին չափերի մասին «Փոթո» ՍՊԸ-ի կողմից տրված տեղեկանքը և կառույցների սեփականատիրոջ կողմից լիազորված անձի 29.01.2021թվականի դիմումը՝
ՈՐՈՇՈՒՄ ԵՄ
1.Ալագյազ համայնքի Ռյա Թազա բնակավայրի 5-րդ փողոց 2 հասցեում՝ սեփականության իրավունքով (սեփականության իրավունքի գրանցման 24.05.2017թ. տրված N24052017-02-0020 վկայական) քաղաքացի Մրազ Ռզգանի Հասանյանին պատկանող 02-092-0007-0007 ծածկագրով 0,1601 հա մակերեսով հողամասում ինքնակամ իրականացրած 751,4 քառակուսի մետր ընդհանուր մակերեսով կառույցը (հասարակական շինությունը) ճանաչել օրինական։
2.Ընդունել ի գիտություն, որ .1)Կառույցի պահպանումը չի խախտում այլ անձանց իրավունքները և օրենքով պահպանվող շահերը կամ վտանգ չի սպառնում քաղաքացիների կյանքին ու առողջությանը.
2)Շինությունը կառուցված չէ ինժեներատրանսպորտային օբյեկտների օտարման կամ անվտանգության գոտիներում, կամ կառուցված չէ քաղաքաշինական նորմերի ու կանոնների էական խախտումներով և չի առաջացնում հարկադիր սերվիտուտ պահանջելու իրավունք։
3.Սահմանել, որ հողամասի սեփականատերը.
1)Սույն որոշման ընդունման օրվանից 60-օրյա ժամկետում, Ալագյազ համայնքի բյուջեի N900485051081 հաշվին պետք է վճարի Հայաստանի Հանրապետության կառավարության 2006 թվականի մայիսի 18–ի թիվ 912-Ն որոշմամբ հաշվարկված 661232 (վեց հարյուր վաթսունմեկ հազար երկու հարյուր երեսուներկու) ՀՀ դրամ օրինականացման վճարը.
2) իր միջոցների հաշվին պետք է վճարի կառույցի գույքային իրավունքների պետական գրանցման հետ կապված վճարներն ու տուրքերը։
3)Սույն որոշման ընդունման օրվանից 60-օրյա ժամկետում օրինականացման համար սահմանված վճարումը չկատարելու դեպքում սույն որոշումը համարվում է ուժը կորցրած։
4.Սույն որոշումը ՀՀ օրենսդրությամբ սահմանված կարգով ենթակա է պետական գրանցման:
5.Սույն որոշումը կարող է վարչական կարգով բողոքարկվել Ալագյազ համայնքի ղեկավարին՝ դրա ուժի մեջ մտնելու օրվանից երկու ամսվա ընթացքում կամ դատական կարգով՝ Հայաստանի Հանրապետության վարչական դատարան` երկամսյա ժամկետում։
6.Համարել փոփոխված 02-092-0007-0007 ծածկագրով հողամասի գործառնական նշանակությունը՝ բնակելի կառուցապատման գործառնական նշանակությունից հասարակական կառուցապատման գործառնական նշանակության։
7.Սույն որոշման կատարման կազմակերպումն ու պատասխանատվությունը դնել Ալագյազի համայնքապետարանի աշխատակազմի քարտուղարի վրա։